BENVENUTE

Ciao a tutte,
Benvenute nel blog "inpuntadipenna2007"
Questa iniziativa ci offre ulteriori occasioni
di scrittura e di scambio di relazioni.
Una volta in più avremo così modo di stare insieme,
di condividere interessi ed esperienze.
Un contributo di crescita ed amicizia per il nostro
gruppo di scrittura molto speciale.
Che un buon demone ci accompagni.
Corinna



23 dic 2011

N'ALTRA OLTA NADAL



Varda i prà i è bianchi
i oseleti tuti ransignadi
speta el sol
par sercar 'na baca rossa
un fruto desmentegà
da ci sa ci.

Ti caro amigo...
cossa feto tuto sto fracasso
par 'na fregola de teneressa!...

Ancò l'è giornada ca de sfroso
i ricordi i vol vegnar fora...
Serchemo de far pian
sensa scombussolamenti...
Varda l'è n'altra olta Nadal

E sì...
Gh'erimo restà propio mal
da rente al primo presepio
che emo visto!

Incantà i disea : che belo, le casete,
le lussiete,
la lavandareta,
la pastorela co la pegoreta,
e l'asinel ch'espression!...
el bambinel che meraveia!...
El ze el più bel butin de tuti...
E noialtri a sercar de vedar tra la paia ne la cuna
el butin de l'asilo ch'el m'avea ciapà la man.

Va ben, va ben...
Non stà batar cosita forte...
Varda l'è n'altra olta Nadal!... 

Che giro ghemo fato
par no farse ciapar da la malinconia
sto chi l'è el Nadal
sensa la mama
sensa diaoleti ai dei sensa rosaria

Pian pianin stì penseri
i vola come lussiole
i sluse come stele...

E... amigo mio vestemose a festa
butemose in meso ai slusighini
femo finta de gnente...

Varda l'è n'altra olta Nadal.

Francesca Natale 2011

Nessun commento: